"Манчестер Сити" Габриэль Жезусга оширилган маош билан янги шартнома таклиф қилади

Хабарларга кўра, клуб 23 ёшли бразилиялик футболчига ҳафтасига 120 минг фунт миқдоридаги шартнома таклиф қилади (ҳозирда 90 минг).

Футболчининг раҳбарият билан алоқалари жуда яхши, шу сабаб у "Ман Сити"нинг еврокубоклар учун дисквалификацияси ва "Ювентус"нинг қизиқишига қарамай, клуб билан шартномасини узайтириши катта эҳтимол.

Жезус жорий мавсум "шаҳарликлар" либосида 39та ўйинда майдонга тушиб, 18та гол ва 9та ассист қайд этган.