Манчестернинг икки жамоаси ўртоқлик учрашувида тўқнаш келишади. Беллашув Хьюстон шаҳрида Халқаро Чемпионлар Кубоги доирасида бўлиб ўтади. Эътиборлиси, бу ўйин Англиядан ташқарида бўлган илк Манчестер дербиси бўлади. Сабаби ўтган ёзда Пекинда бўлиб ўтиши режалаштирилган баҳс баъзи сабабларга кўра бекор қилинган эди.
Гап шундаки, беллашувни Буюк Британия ҳудудида кўрсатиш ҳуқуқи «қизил иблилсар»нинг клуб телеканалига тегишли. Шу сабабли ўйинни қонунни бузмаган ҳолда, бевосита кўриш истагида бўлган «Ман Сити» мухлислари 7 фунт тўлаб, азалий рақибларининг каналига обуна бўлишлари шарт.
