Максим Шацких: "Ҳужумда қулай имкониятларимиз бўлишига ишончим комил"

"Ҳаммага хайрли кеч. Рақибни яхши ўрганиб чиқдик, улар ҳақида маълумот тўпладик. Яхши футболчиларга эга шаклланган жамоа, жаҳон даражасидаги футболчилари ҳам мавжуд. "Ал Аҳли" – кучли, тезкор ва тажовузкор ўйинчиларга эга жамоа. Ўзимизга келсак, чемпионатдаги оғир ўйинимиздан сўнг кам вақт бўлган бўлса-да, яхши тайёргарлик кўрдик. Умид қиламанки, эртанги баҳсда жанг таклиф этамиз.

Бизнинг ва уларнинг чемпионати фарқ қилади. Улардаги темп, таркиб буткул бошқача. Ҳар қандай жамоада камчиликлари бўлади. Буни ҳозир очиқ айтиб ўтирмайман. Эртага майдонга тушиб, ўша нозик нуқталардан унумли фойдаланишга уринамиз.

"Андижон"дан нималарни кутиш мумкин? Биз фақат ғалаба учун ўйнаймиз. Албатта, осон кечмайди. Ўйлайманки, эртага мухлисларимиз бизни 90 дақиқа қўллаб-қувватлаб туради. Ҳужумда қулай имкониятларимиз бўлишига ишончим комил. Ҳар бир ўйинда кўплаб вазиятлар яратамиз, лекин эртага бундай бўлиши қийин. Шунинг учун ҳар бир вазиятдан унумли фойдаланишимиз лозим. Ишонаманки, мухлислар бизни яхши даражада ўйнашга мажбур қилади. Ижобий натижани қўлга киритиш учун майдонда астойдил меҳнат қиламиз", – деди Шацких.

"Олдинда масъулиятни ўйин кутиб турганини тушуниб турибмиз. Нафақат Андижон, балки ватан шаънини ҳимоя қиламиз. Оғир ва томошабоп баҳс бўлади. Худо хоҳласа, мухлисларни хурсанд қилишга ҳаракат қиламиз.

Айтишим мумкинки, майдонда фамилиялар ҳал қилмайди. Ким кўпроқ меҳнат қилса, шунга яраша натижа келади", – деди Темиров.