UZ

Сўнгги янгиликлар

08:20Антонининг "Бетис"га трансфери барбод бўлди  1 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  6 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  18 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  33 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  22

Луиш Фигунинг ўйинларини кўриб катта бўлган, Ўзбекистон ўсмирлар терма жамоасида ўйнаган Жонибек Кўчимов билан интервью Янгиликлар

Луиш Фигунинг ўйинларини кўриб катта бўлган, Ўзбекистон ўсмирлар терма жамоасида ўйнаган Жонибек Кўчимов билан интервью

Хабарингиз бор, Жиззах вилоятининг "Зомин" клуби жорий мавсумдан ПРО-Лига мусобақаларида иштирок этмоқда.

Сайтимиз мухбири жамоанинг тажрибали футболчиларидан бири, Ўзбекистон ўсмирлар терма жамоасидаги ёрқин ўйинлари билан мухлисларга яхши таниш бўлган Жонибек Кўчимов билан интервью ташкил этди.

- Салом Жонибек! Футболга кириб келишингиз қандай юз берган?
- Болалигимдан футболга қизиқардим. Оиламиздагилар мени стадионлардан қидириб юришарди. Дадам футболга жуда қизиқадилар ва ўзлари мендаги қизиқишни кўриб Навоий футбол мактабига олиб борганлар. Футболга кириб келишим шу тариқа юз берган.

- Сизни футбол мухлислари Ўзбекистон ўсмирлар терма жамоасидаги ўйинларингиз орқали яхши танишади. Айтингчи, терма жамоа либосида майдонга тушган футболчида қандай ҳиссиётлар бўлади?

- Терма жамоа сафида майдонга тушиш ҳар бир футболчининг орзуси бўлса керак. Аллоҳга шукр, ўсмирлар терма жамоаси сафида ўйнаш бахтига муяссар бўлдим. Биласизми, терма жамоада ўйнаган футболчи ортида Ватан турганини ҳис қилади. Бу ўзига яраша улкан масъулият талаб қилади.

Афсуски Осиё чемпионатида Сурияга имкониятни бой бериб, жаҳон чемпионати йўлланмасидан қуруқ қолганмиз. Жуда аламли мағлубият бўлган.Ўша ўйиндан кейин анча вақтгача ўзимга кела олмай юргандим. Насиб бўлса ўз устимда ишлаб миллий терма жамоамиз сафида майдонга тушишга интиламан.



- Жонибек Кўчимовнинг футболдаги кумири (севимли футболчиси) ким?

- Ёшлигимдан Луиш Фигунинг ўйинларини кўриб, футболга қизиқишим янада ортган.

- Хориж футболида қайси жамоага мухлислик қиласиз?

- Ўзим "Реал Мадрид" мухлисиман ва бу жамоа иштирокидаги барча ўйинларни қолдирмай кўриб бораман.

- Жорий мавсумда "Зомин"нинг кўрсатаётган натижалари кўнгилдагидек эмас. Сизнингча, жамоага нима етишмаяпти?

- Кўраётган бўлсангиз, жамоамиз ёмон ўйин намойиш этмаяпти. Бизга озгина омад етишмаяпти назаримда. Насиб бўлса олдиндаги учрашувларда ғалаба қозониб, мухлисларимизни хурсанд қиламиз деган умиддаман.

- Жамоа мухлисларига тилакларингиз...

- "Зомин" мухлисларига тилакларим, ҳамиша соғ-саломат бўлишсин. Насиб бўлса навбатдаги учрашувларда ғалаба қозониб уларни хурсанд қиламиз. Албатта, белгиланган тартиб-қоидаларга риоя қилган холда стадионимизга келиб бизни қўллаб-қувватлаб туришларини сўраб қоламан.

Бекзод Толибов суҳбатлашди.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика