Луис Энрике дунёнинг энг кучли дарвозабонини айтди
09 сен 2018 14:33
Янгиликлар

Луис Энрике дунёнинг энг кучли дарвозабонини айтди

Испания термаси бош мураббийи Луис Энрике Англия термаси устидан қозонилган ғалабадан кейинги фикрлари билан ўртоқлашди.

"Жуда хурсандман, аммо бир неча жиҳатларни кучайтиришимиз керак. Баҳсда рақибга қараганда кўпровқ вазиятларга эга бўлдик, учинчи голни уришимиз ҳам мумкин эди. Менга шундай футбол менталитети ёқади. Умид қиламанки, шундай ўйин кўрсатишда давом этамиз.
Де Хеа борасида менда ҳеч қандай шубҳа йўқ эди. Барча каби унда ҳам хатолар бўлиб туради. Аммо Давид - дунёнинг энг яхши дарвозабони. Де Хеа дарвозада бўлса, барчасидан хотиржам бўламан. Унинг Англиядаги ўйинлари дунёнинг биринчи рақамли дарвозабони эканлигини кўрсатиб турибди.
"Уэмбли"даги ғалаба кимга ёқмайди? Биз Миллатлар лигасини яхши бошладик. Прессинг туфайли ғолиб бўлдик. Рақиб эса шу туфайли ўзида катта босим борлигини ҳис қилди", - деди Энрике.

Ҳавола :

Манба : Goal

Янгиликларни Телеграмда ўқинг!

Рейтинг: +12