“Локомотив” Дубайда. Тўққизинчи кун. Нагаев ва Мустафоев қўшилди
18 янв 2016 10:33
Янгиликлар

“Локомотив” Дубайда. Тўққизинчи кун. Нагаев ва Мустафоев қўшилди

Теглар : Локомотив

“Ал-Аҳли”га қарши ўйиндан кейин бош мураббий Мирко Еличич футболчиларга ҳордиқ чиқариш имконини яратиб берди.

Дубайдаги саккизинчи куннинг биринчи ярмида йигитлар тренажёр залига ташриф буюриб, ўйиндан кейинги тикланиш машқларини бажаришди. Тушдан кейин эса улар машғулотлардан озод этилишди.

Саккизинчи куннинг энг муҳими воқеаси сифатида икки нафар футболчининг Амирликлардаги машғулотларга келиб қўшилганлигини айтиш ўринли. Эндиликда ҳимоячи Салим Мустафоев ҳамда ҳужумчи Иван Нагаев ҳам мураббийлар штабининг ихтиёрида бўлишади. Улар кеча қолган футболчилар билан биргаликда Ўзбекитон олимпия терма жамоасининг Ироққа қарши учрашувини томоша қилишди. Эътиборли томони, клубимиз аъзоси Икром Алибоев беллашувнинг 74-дақиқасидан бошлаб майдонда ҳаракат қилди.

Бугундан эътиборан Мирко Еличич машғулотларни давом эттирди. Тушга қадар футболчилар соҳил бўйида шуғулланиши. Аввалига қумда, кейин эса денгизда югуришди. Сўнгра, соҳилда тўп билан ишлашди. Тушдан кейин машғулотлар майдонга кўчди.

Эслатиб ўтамиз, “Локомотив” навбатдаги ўртоқлик учрашувини 19 январь куни ўтказади. Бўлажак рақиблар ҳақида мазкур ҳавола ёрдамида билиб олишингиз мумкин.

Ҳавола :

Манба : lokomotiv.uz

Янгиликларни Телеграмда ўқинг!

Рейтинг: +5