"Локомотив" бу йилги мавсумда фақат "Насаф"дан ютқазди

"Локомотив" жамоаси чемпионатда ҳозиргача ўтказилган 17 учрашувда фақатгина бир маротаба ютқазган. Вадим Абрамов бошчилигидаги "темирйўлчилар" 3-турда Қаршида "Насаф"дан енгилишган эди. Куни кеча бўлиб ўтган Ўзбекистон кубоги ярим финал дастлабки ўйинида ҳам "Локо" футболчилари "Насаф"га имкониятни бой беришди.

Шу кунгача улар "Насаф" билан икки бор тўқнаш келишган бўлсада, ҳар иккала беллашувда ҳам бирорта гол кирита олишгани йўқ.

Чемпионат баҳсида 1:0, кубок ўйинида 2:0 ҳисобида мағлуб бўлишди.

Шу тариқа ҳозиргача "Пахтакор" ва "Бунёдкор" каби етакчиларни ҳам мағлуб эта олган "Локо" Рўзиқул Бердиев жамоасига қарши муваффақият қозона олмаяпти.