"Ливерпуль" Тиагони 30 млн евро эвазига харид қилишга рози бўлди

Мерсисайдликлар немис клуби талаб қилаётган 30 миллион евро миқдоридаги маблағни тўлашга тайёр.

Томонлар музокараларни "Бавария" битимни Бундеслиганинг 1-тур доирасидаги 18 сентябрь куни бўлиб ўтадиган ўйинга қадар якунлашларини хоҳлаётганларини билдирганларидан сўнг тезлаштриб юборишди.

"Ливерпуль" ва Тиаго ҳали шахсий шартнома бўйича келишувга эришмади, аммо музокараларнинг бу қисми қийинчиликсиз ўтиши кутилмоқда.

Испаниялик футболчи 2019/20 йилги мавсум "Бавария" таркибида Бундеслигада 24та ўйинда майдонга тушиб, 3та гол уришга эришди.