"Ливерпуль" бир пайтлар "Манчестер Юнайтед" афсонасига айланган ўйинчиларни қўлдан чиқарган

"Мен кейинчалик "Манчестер Юнайтед" афсоналарига айланган икки нафар футболчини қўлдан чиқарганман. Бизнинг асосий скаутимиз Рон Йейтс менга даниялик ёш дарвозабон Петер Шмейхелни кўз остига олиб қўйганини айтди. У "Ливерпуль"нинг мухлиси эди, бироз муддат биз билан бирга бўлиш учун ҳатто ўз ҳисобидан бу ерга келишга ва меҳмонхонага жойлашишга тайёр эди. Ўша пайтда мен Брюс Гроббеларни секин-аста таркибдан чиқаришга уриндим, бу эса бошқотириш эди. Камига Дэвид Жеймс билан шартнома имзоладик. Шунинг учун, катта спортга эндигина кириб келаётган киперни харид қилмасликка қарор қилдим.

Эрик Кантона - мен қўлдан чиқарган яна бир ўйинчи. Биз уйда "Осер"га қарши ўйнадик ва баҳсдан сўнг Мишель Платини мени кўргани келди. У мен учун футболчиси борлигини айтди - муаммоларга бой йигит, лекин фойдали ўйинчи. Бу Кантона эди, лекин яна бир оғир феъл-атворли ўйинчи шарт эмасди.

Менда бир нечта ана шундай футболчилар бор эди, мен ўзимга бошоғриқ қўшиб олишни истамаганман. Шунинг учун уни юмшоқлик билан рад этганман ва бошқа кимнидир топишини айтганман", - деди Сунесс.

Сунесс қўлостида "Ливерпуль" 1991 йилдан 1994 йилгача фақатгина Англия кубогини қўлга киритган.