Криштиану реалликни ҳис қилмаяпти. Унинг эгосини қондирадиган клуб қолмади

Аниқроқ айтадиган бўлсак, реалликни қабул қилмаяпти ва Европада унинг эгосини қондирадиган клуб қолмаган.

Узоқ йиллардан бери португалиялик юлдузга агентлик қилиб келаётган Жорже Мендешга яқин манбаалардан бири яқинда Саудия Арабистонига кўчиб ўтган Криштиану Роналдуни ҳаддан ташқари реалликдан узоқлашганликда айблади ва қаттиқ танқид қилди. Манба Роналду эгоси билан боғлиқ муаммо туфайли Европанинг бирорта клуби унинг таклифларини қабул қилмагани, унинг шартлари ҳаддан ташқари катта ва эгоистик экани Европа клубларига ёқмаганини айтиб ўтди.

Эсингизда бўлса, Роналдунинг Пирс Морганга берган интервьюси унинг "Манчестер Юнайтед" билан шартномасини муддатидан аввал бекор бўлишига сабаб бўлган эди. У билан деярли 20 йилдан бери дўстона алоқаларда бўлган ва унинг имиж ҳуқуқларига эгалик қилган агенти Жорже Мендеш унга бундай интервью бермасликни ҳамда интервьюда айтган гапларини айтмасликни маслаҳат берган эди. Аммо Роналду унга қулоқ солмади ҳамда 20 йиллик дўстона муносабатлар ва ҳамкорликка путур етказди.

"Криштиану Роналдуда ҳақиқий реалликни ҳис қилиш бўйича муаммолар бор. Шунинг учун у унга билдирилаётган мақтовларни ҳақиқий ёки сохта эканлигини ҳам ажрата олмаяпти. Унинг атрофидагилар унга шундай мақтовлар ёқишини ва у мақтовдан бошқасини тушунмаслигини яхши билади".

Криштиану Роналду ўзининг юлдузлигини ва шуҳратини кўтара олмади. Унинг эгосини, молиявий шартларини қабул қиладиган ва кўтарадиган бирорта клуб йўқ. Бундай шартлар унинг миясида бор, реалликда эса уларни ҳеч ким қабул қила олмайди".