Коутиньо: "Барселона"даги фаолиятим мен ўйлаганчалик чиқмади. "Бавария"да эса узоқ қолишга умид қиламан”

«Барселона»га келсак барчаси мен ўйлаганчалик бўлмади. Бироқ, энди бу ўтмиш. Энди янги катта ва муҳим жамоадаман. Умид қиламанки, бу ерда узоқ қоламан ҳамда кўплаб титулларни қўлга киритаман. «Барса»да ўтган йилларим мобайнида тажрибамни оширдим, анча нарсани ўргандим, кўп ютуқларни қўлга киритдим, кейин эса Копа Америкада Бразилия билан ғалаба қозондим. Бу эса ҳақиқатдан асосийси эди. Энди менда янги, катта клубда ўйнаш имкони бор. Ҳасан Салиҳамижич («Бавария» спорт директори) қўнғироқ қилганида, менда ҳеч қандай иккиланиш йўқ эди. У ҳақиқатдан мени шу ерга келишимни хоҳлаганди. Улар Барселонага учиб келишди, биз учрашдик, сўнгра, улар менга лойиҳа ҳақида гапириб беришди. Шу боис улардан чин дилдан миннатдорман, чунки,  илк сониядан бошлаб улар мени ўз жамоаларида кўришни хоҳлаётгани аён бўлганди”, – дейди Коутиньо.