Кўплаб топ клублар қизиқаётган Куньянинг қаерда ўйнаши маълум бўлди

Журналист Фабрицио Романонинг хабарига кўра, "бўрилар" раҳбарияти ҳужумчи Матеус Кунья билан янги келишув борасида келишувга эришишди, бразилияликнинг маоши ўсади. Қайд этилишича, фақатгина расмиятчилик қолган, шундан сўнг ҳужумчи янги битимга имзо чекади.

Куньяга Европанинг бир нечта топ клублари қизиқиш билдираётган эди. 25 ёшли футболчи "Вулверхэмптон" таркибида барча мусобақаларда 20та ўйинда майдонга тушиб, 10та гол ва 4та ассист қайд этди. Transfermarkt бразилияликни 50 миллион еврога баҳоламоқда.