Клублар ўртасидаги ЖЧ. Бугун "Ал Жазира" ўйнайди
09 дек 2017 10:18
Янгиликлар

Клублар ўртасидаги ЖЧ. Бугун "Ал Жазира" ўйнайди

Теглар : Клублар ўртасидаги ЖЧ Ал Жазира Пачука Видад Касабланка Равшан Эрматов

Бугун БААда давом этаётган клублар ўртасидаги Жаҳон чемпионатида чорак финал ўйинлари бўлиб ўтади.

КОНКАКАФ чемпиони Мексиканинг "Пачука" ва Африка чемпиони Марокашнинг "Видад Касабланка" клублари ўртасидаги ўйинни ўзбекистонлик Равшан Эрматов бошчилигидаги ҳакамлар бошқариб боришади. "Пачука" сафида япониялик машҳур футболчи Кейсуке Хонда ўйнамоқда. Учрашув Тошкент вақти билан соат 18:00да бошланади. Бу ўйин ғолиби ярим финалда Бразилиянинг "Гремио" клуби билан тўқнаш келади.

Мезбон мамлакат чемпиони "Ал Жазира" клуби Осиё чемпионлар лигаси ғолиби Япониянинг "Урава Ред Даймондс" клуби билан ўйнайди. Ушбу баҳсда ғолиб чиққан жамоа ярим финалда Испаниянинг "Реал Мадрид" клуби билан ўйнайди.

"Пачука" (Мексика) - "Видад Касабланка" (Марокаш)
9 декабрь 2017. Абу Даби. "Хазза бин Зайд" стадиони. 18:00 (Тошкент вақти)
Ҳакамлар: Равшан Эрматов, Абдуҳамидулло Расулов, Жаҳонгир Саидов (барчаси Ўзбекистон), Матт Конгер (Янги Зеландия)
Видеоассистент ҳакамлар: Марк Гейгер (АҚШ), Симон Лоунт (Янги Зеландия), Феликс Цвайер (Германия)

"Ал Жазира" (БАА) - "Урава Ред Даймондс" (Япония)
9 декабрь 2017. Абу Даби. "Хазза бин Зайд" стадиони. 21:30 (Тошкент вақти)
Ҳакамлар: Сезар Рамос, Марвин Торрентера, Мигель Эрнандез (барчаси Мексика), Фелик Брих (Германия)
Видеоассистент ҳакамлар: Мауро Виглиано (Аргентина), Марк Борш (Германия), Андрес Кунья (Уругвай)