Клублар ўртасидаги ЖЧ. "Америка" - "Гуанчжоу Эвергранд" учрашувида швециялик ҳакамлар ишлайди

Биринчи чорак финалда Мексиканинг "Америка" ва Хитойнинг "Гуанчжоу Эвергранд" клублари тўқнаш келишади. Тошкент вақти билан соат 12:00да бошланадиган ушбу баҳсга швециялик Йонас Эрикссон бошчилигидаги ҳакамлар тайинланди. Таъкидлаш лозимки, бу ўйинда ғолиб чиққан клуб ярим финалда "Барселона"га қарши ўйнайди.

Иккинчи чорак финалда Япония чемпиони "Санфречче Хиросима" клуби Африка чемпиони Конгонинг "Мазембе" клуби билан ўйнайди. 15:30да старт оладиган баҳсда эса колумбиялик Вилмар Ролдан ҳакамлик қилади. Захира ҳаками сифатида эронлик Алиризо Фағони қайд этилган. Бу учрашув ғолиби ярим финалда Аргентинанинг "Ривер Плейт" клуби билан баҳс олиб боради.




1/4 финал
13 декабрь 12:00
"Америка" (Мексика) - “Гуанчжоу Эвергранд” (Хитой)
Бош ҳакам: Йонас Эрикссон (Швеция)
Қанот ҳакамлари: Матиас Класуниус ва Даниэль Варнмарк (иккиси Швеция)
Захира ҳаками: Неант Алиум (Камерун)


13 декабрь 15:30
"Мазембе" (Конго) – “Санфречче Хиросима" (Япония)
Бош ҳакам: Вилмар Ролдан (Колумбия)
Қанот ҳакамлари: Александр Гузман ва Кристиан Де Ла Круз (Колумбия)
Захира ҳаками: Алиризо Фағони (Эрон)