Клопп “Челси”га қарши ўйинда Салоҳни нега захирага олганини тушунтирди

“Наҳотки, ушбу ҳолат жиддий муҳокамаларга сабаб бўлди? Бунга ишонмайман. Ҳужумчи сифатида Салоҳ алмаштирилганидан хурсанд бўлмади, у майдонда қолишни истади. Бу нормал ҳолат, муаммо йўқ.

Ўйлашимча, Мо (Салоҳ) тўпурарлар пойгасидаги етакчилик қилишдан завқланмоқда. У ажойиб ўйнади. Бошқа футболчиларни алмаштира олардим, аммо режа кўпроқ кимни майдонга тушуриш кераклигида эди. Балки, Салоҳсиз ўтган 30 дақиқа унга якшанба куни “Фулхэм” билан ўйнашга имкон берар. Қарорни иш жараёни давомида қабул қиламиз. Кейин эса бу ҳақда тушунча беришимиз лозим ва сиз улар тўғрисида ёзасиз. Жамоада эса бу каби мунозаралар йўқ, қарорни мен қабул қиламан, йигитлар эса буни тўғри қабул қилишади”, дейди Клопп.