Капелло "Реал"ни қандай таслим этиш борасида "Наполи"га маслаҳат берди

"Иккала жамоага ҳам осон бўлмайди. "Реал"нинг "Осасуна" билан ўйнини кўрдим, жамоа яхши таассурот қолдирмади. Бундан ташқари, Зидан ҳимоя чизиғига баъзи ўзгартиришлар киритди, чунки "Наполи" қарши ҳужумда жуда кучли. "Наполи" ўз кучига ишониб, бор тезлигини намойиш этиб ўйнаши керак. Агар "Наполи" шундай ҳаракат қилмаса, рақибни таслим этиш қийин бўлади" - дейди Капелло.

"Реал" ва "Наполи" ўртасидаги илк баҳс бугун "Қироллик клуби" стадионида бўлади. Жавоб ўйини 7 мартга режалаштирилган.