Камолиддин Тожиев: "Бугун бутун мавсумга етадиган вазият яратдик, тўп дарвозага киришни истамади"
14 июн 22:34
Янгиликлар

Камолиддин Тожиев: "Бугун бутун мавсумга етадиган вазият яратдик, тўп дарвозага киришни истамади"

Суперлиганинг 12-туридан ўрин олган "Бунёдкор" - "Пахтакор" (1:1) учрашувидан сўнг меҳмонлар устози Камолиддин Тожиев фикрларини билдирди.

"Ассалому алайкум. Ўйинга тўхталадиган бўлсак, бугун ўйин тўлиқ назоратимиз остида ўтди. Бугунги ўйинда яратилган вазиятлар бутун мавсумга етади. Лекин тўп дарвозага кирмади. Йигитлар ўз ўйини билан мени хурсанд қилишмоқда",- дейди Тожиев.

- "Бунёдкор" бугун яхши ҳимояландими?

- Кўп вазият яратдик, охирги нуқтани қўйишда омадимиз келмади. Терма жамоага борган футболчилар ҳам чарчагани йўқ, бор кучи билан ўйнади.

- Педру Морейра қисқа таътилга чиққанига 40 кун бўлди. Бу қисқа таътил эдими ёки мураббий жамоадан кетганми?

- Бу саволни раҳбариятга берганингиз маъқул.

- Риаскос захирадан тушгач ҳужумлар кўпайди. Лекин ҳужумлар кўп самара бермади. Бу нима боғлиқ?

- Риаскос ўйинга киришиб кета олмади. ФИФА кунларида яхши ишладик.