Каио Жуниор: "Азиз Ҳайдаров фантастик футболчи"

"Бунёдкор"ни гуруҳ босқичига чиққани билан табриклайман. Тезкор гол бизга таъсир қилди. Аммо биз бугун ёмон ўйнадик дея олмайман. Айниқса иккинчи бўлимда. Ҳисобни 2:1 қилиш учун жуда қулай имкониятдан фойдалана олмадик. Агар ўша голни урганимизда ўйин бошқача кечарди. Биз иккинчи бўлимда футболчиларни алмаштириб натижани ўзгартиришга уриндик", - дейди Каио Жуниор.

- Балки бугун жамоаингиз жисмоний ҳолатда ютқазгандир?

- Йўқ. Жисмоний томонлама ўйинга тайёр эдик. Жисмоний ҳолат бўйича ҳеч қандай эътироз йўқ. Иккинчи бўлимда тўпни кўпроқ назорат қилдик.

- Жуниньо яхши ўйнаётганди. Уни нима учун алмаштирдингиз?

- Жуниньо Жонинг ўрнига олиб келинганди. Жони сотиш менинг фикрим эмасди. Клуб молиявий қийинчиликка дуч келгани учун уни сотдик. 19та ўйинда 16та гол урган Ҳозир Жонинг ўрнини боса оладиган футболчи йўқ.

- "Бунёдкор" ОЧЛда қайси босқичга қадар етиб боради деб ўйлайсиз?

- Таркибда кўп ёшлар бор. Улар мусобақада узоққа боради деб ўйлайман.

- Рақиб сафда энг яхши футболчилар ким?

- Ярим ҳимоячиларнинг барчаси яхши ўйнади. Бундан ташқари чап қанот ҳимоячиси ва Ҳамдамов яхши ҳаракат қилди.

- Ҳайдаров ва Луваннор ҳақида қандай фикрдасиз?

- Луваннор жамоамизнинг асосий ўйинчиларидан бири ҳисобланади. Азиз Ҳайдаровга бугун ҳеч қандай эътирозим йўқ. Ҳайдаров фантастик футболчи. Иккаласи ҳам қўлдан келганича ўйнашди.

- Шогирдларингиз бугун асабий ўйин кўрсатишди?

- Бу ўйин кечишига боғлиқ. Сабаби биз ютқазаётгандик. Табиийки ютқазишни ҳеч кимни хоҳламайди.

- Клубингиз сафидаги маҳаллий футболчилар савияси легионерлардан жуда паст экан...

- Бунга қўшилмайман. Сабаби таркибда БАА терма жамоаси аъзолари ҳам бор. Ярим ҳимоячилар ҳам миллий терма жамоада ўйнашади.

- "Бунёдкор" мухлислари ҳақида фикрларингиз қандай?

- Ажойиб. Улар бугун жамоани қойилмақом тарзда қўллаб қувватлашди.

Нарзулла Сайдуллаев