Жузеппе Росси “Женоа” билан шартнома имзолади

Росси эркин агент мақомида генуяликлар сафига келиб қўшилди. Италия матбуотида тарқатилган хабарларга таянадиган бўлсак, 30 ёшли ҳужумчи “Женоа” билан мавсум охиригача шартнома имзолаган. 

“Манчестер Юнайтед”нинг собиқ футболчиси “Фиорентина”нинг тарк этган пайтидан буён, яъни шу йилнинг ёзидан бери ишсиз юрганди. Росси Италия терма жамоаси сафида 29та учрашув ўтказиб, 7та гол киритган.