"Чежу Юнайтед" Ислом Кенжабоев учун "Насаф"га 65 минг доллар тўлаб беради
16 июн 2022 23:36
Янгиликлар

"Чежу Юнайтед" Ислом Кенжабоев учун "Насаф"га 65 минг доллар тўлаб беради

Акс ҳолда клубга трансфер таъқиқи қўйилади.

Бу ҳақида ПФЛ бош директори Диёр Имомхўжаев хабар қилди.

"Насаф" Жанубий Кореянинг "Чежу Юнайтед" футбол клуби билан Ислом Кенжабоевнинг машғулот компенсацияси масаласида келиша олмаётганди. ФИФА бу бўйича ўз қарорини эълон қилди. Унга кўра, "Чежу Юнайтед" 45 кун ичида "Насаф" ҳисоб рақамига компенсация сифатида 65 минг доллар ўтказиб бериши керак. Йўқса клубга нисбатан трансфер тақиқи кучга киради. Ислом Кенжабоев 2021 йилнинг январь ойида — 21 ёшида кореяликлар билан шартнома имзолаганди. Унинг Жанубий Кореядаги сафари таҳминан ярим йил давом этди.
Машғулот компенсацияси Футболчилар мақоми ва трансфери бўйича регламент асосида тартибга солинади", -деб ёзади Диёр Имомхўжаев ўзининг телеграмдаги каналида.