ЖЧ-2021. Ўзбекистон нимчорак финалда ким билан ўйнайди?!

Бугун Ўзбекистон миллий терма жамоаси гуруҳдаги сўнгги ўйинини ўтказди. Унда Баҳодир Аҳмедов бошчилигидаги вакилларимиз Мисрни 2:1 ҳисобида таслим этишди. Шу тариқа, Ўзбекистон футзал терма жамоаси мундиалдаги дастлабки ғалабаси эвазига гуруҳдан иккинчи ўрин билан 1/8 финалга йўл олди.

Ўзбекистон Мисрни мағлуб этиб, тарихда илк бор плей -оффга йўл олди

Кўпчиликни вакилларимиз плей-оффда қайси жамоага қарши баҳс олиб бориши қизиқтирмоқда. Демак, биз жой олган "B" гуруҳининг иккинчи жамоаси "F" гуруҳида иккинчи бўлган термага қарши беллашади. "F" квартетида 2-турдан сўнг Эрон терма жамоаси иккинчи бўлиб турибди. Гуруҳ пешқадами Аргентинада ҳам форслар каби 6 очко мавжуд. Тўплар нисбатига кўра амалдаги Жаҳон чемпионлари пешқадам бўлиб туришибди.

3-турда бу икки жамоа бир-бирига қарши баҳс олиб боради. 20 сентябрь Тошкент вақти билан 22:00да старт оладиган учрашув Ўзбекистоннинг нимчорак финалдаги рақибини аниқлаб беради. Ҳар қандай ҳолатда ҳам бизга айнан Эрон ва Аргентинадан бири рақиб бўлади.

Нимчорак финалдаги ўйинимиз 24 сентябрь куни Тошкент вақти билан 19:30да бошланади. Ўйин "Вильнюс Арена"да ўтказилади. Яъни, футзалчиларимиз гуруҳ ўйинларини ўтказган аренада камида яна битта учрашув ўтказишади.

Баҳодир Аҳмедов: "Йигитлар ўзларининг нимага қодир эканликларини кўрсатишди"