ЖЧ-2018. Салом Россия, салом Самара!

Бир неча кун олдин Қозоғистоннинг Актобе шаҳридан Россиянинг Оренбург шаҳри томон йўлга чиқдик. Оренбург шаҳрига кечга яқин етиб келдик. Бизни сафаримиздан хабар топган бир неча ватандошларимиз кутиб олишди. Дўстона тушликдан сўнг Самара шаҳри сари сафаримизни давом этдирдик. Ушбу шаҳарга ташриф буюришингиз билан жаҳон чемпионати шукуҳига кириб қолганингизни билмай қоласиз. Энг асосийси, бу ерда сайёҳлар учун барча шароитлар тайёрлаб қўйилган. Шаҳарнинг ҳар бир кўчасида  волонтёрлар меҳмонлар учун беминнат хизмат кўрсатишмоқда. 

Самара шаҳрида футбол мухлислари учун ажратилган махсус “FAN ZONE” ҳудудида саёҳат қилдик. Бу ерда футбол мухлислари учун барча нарса шай. Ушбу худудга ҳар томонлама кириш мумкин. Шаҳарга кириб келишимизда бизни бир нарса жуда ҳам қувонтирди. Самаранинг ҳар бир бурчагида Ўзбекистондан ташриф буюрган футбол мухлисларини учратишиимиз мумкин. Уларнинг барчасининг қўлларида байроғимизни кўриш мумкин. Биз улар билан мулоқот қилишга муваффақ бўлдик. Яхшиси 10 мартда эшитгндан кўра 1 мартта кўрган мақул, дея сиз азизларга қуйида фотогалереяларнии тақдим этамиз.

Оренбург шаҳридаги ўзбекистонлик футбол мухлислари билан бирга

Россиянинг Самара шаҳрига кириб келдик

FIFA FAN FEST - Мухлислар учун ажратилган махсус худуд

"Крилья Советов" ва Миржалол Қосимовнинг ашаддий мухлиси билан бирга

ФИФАнинг расмий дўкони

Бразилия терма жамоасининг ашаддий мухлислари билан бирга

Жаҳон чемпионати ўйинларини турли ёшдаги мухлис ва мухлисалар катта қизиқиш билан томоша қилишмоқда

Футбол ёш, жой ва миллат танламайди!!!

Биринчи космонавт Юрий Гагаринни фазога олиб чиққан "Союз" космик кемаси!!!

Эслатиб ўтамиз, бугун Самарада "H" гуруҳидан ўрин олган Колубия - Сенегал ўйини бўлиб бўлиб ўтади. Ушбу учрашув Тошкент вақти билан соат 19:00да бошланади.

СОТВОЛДИЕВ Жаҳонгир Самара шаҳридан махсус