Жавоҳир Эсонқуловнинг рафиқаси видеомурожаат билан чиқди
18 сен 2021 20:40
Янгиликлар
Жавоҳир Эсонқуловнинг рафиқаси видеомурожаат билан чиқди
"Хайрли кеч, дўстлар. Мен якунда адолат қарор топиши учун қўллаб-қувватлашингизни сўрайман. Улар президент аппаратида ўз одамлари борлигини ва ҳеч ким ҳеч нима қила олмаслини иддао қилишмоқда. Кеча "Сурхон" клуби вице-президенти Азамат Абдураҳмонов турмуш ўртоғим(Жавоҳир Эсонқулов)ни алдов йўли билан, гўё эски қарзларни тўлаш мақсадида олдига чақирди. Аввал Акром Хўжаевни, кейин эса хўжайинимни "дубинкалар" билан калтаклай бошлашган. Жамоа сардори Асрор Ғофуров уларни ушлаб турган.
Менда алдашга ҳожат йўқ. Мен шокдаман. Бунақасини биринчи марта кўряпман, футболчига ва одамга шунақа қилишганини. Келинг, адолат учун дўстона курашайлик. Шундай мураббийлар қандай қилиб жамоани шуғуллантириши мумкин, ўзи умуман бундай инсонларга жамоада ишлашга йўл қўйиб бериш мумкин?! Қандай қилиб?!
Эмоциялар учун узр сўрайман, ҳозир шок ҳолатидаман. Улар ўзларини қандай қилиб "эркакман" деб атайдилар?! Энг аламлиси, улар Жавоҳир Эсонқуловга тўғри тушунтиришса бўларди. У ярим йил ишлади ва шунчаки ўз пулини сўради.
Хўжайиним 31 август куни "Азамат ***" деб ёзган. Шундан сўнг бу одамлар футболчилар (Акром Хўжаев ва Жавоҳир Эсонқулов)ни алоҳида, битта-битта хоналарига чақиришган. Улар олдиндан бунга тайёргарлик кўришган. Видеотасвирлар ўчириб юборилган. Воқеа жойида спирт, отвёртка, арқон бўлган. Кейин футболчилар қўрқитилган ва босим остида ариза ёзиб беришган.
Кеча ёлғон гапирган, беш вақт намоз ўқиши айтилаётган Асрор Ғофуров бугун қўнғироқ қилиб, "Жавоҳир, дўстона ҳал қилайлик, мени ҳам оилам, бола-чақам бор" деб айтди, у кеча ураётганда шуни ўйламаганмиди? Жавоҳир ва Акромни ҳам оиласи бор. У ўзини "эркак" деб ҳисоблайдими? Шунчаки ҳайратдаман", – Рушана Мирсодиқова.
Маълумот учун, Жавоҳир Эсонқуловнинг рафиқаси Рушана Мирсодиқова "Металлург" ҳамда Ўзбекистон терма жамоаси собиқ бош мураббийи Рустам Мирсодиқовнинг қизи ҳисобланади.
Жавоҳир Эсонқулов ва "Сурхон" ўртасида нима муаммо бўлганди? Клуб расмий жавоб берди
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар