"Жасорат" соврини соҳиби Ҳасан Раҳимжонов билан суҳбат

Маросимда футболчилар, мураббийлар, ҳакамлар билан бир қаторда биринчи лигада иштирок этган Тошкентнинг Рубин жамоаси шифокори Ҳасан Раҳимжонов ҳам "Жасорат" соврини билан тақдирланди. Биз Ҳасан ака билан боғланиб суҳбатлашдик:

- Ҳасан ака, аввало соврин билан табриклаймиз. Ўзингиз ҳақингизда гапириб берсангиз.
- Табрик учун раҳмат. Мен Мирзо Улуғбек тумани, 2-сон болалар жарроҳлик клиник шифохонасида болалар травматолог-ортопед шифокори бўлиб ишлаш билан биргаликда 2019 йил февраль ойидан бери "Рубин" жамоасида ҳам ишлаб келяпман.

- Ўша "Пахтакор-2" - "Рубин" ўйинида қандай воқеа бўлганди?
- "Пахтакор-2" билан ўйинда жамоамиз футболчиси Ҳусан Ҳасанов мезбонлар дарвозабони билан тўқнашиб кетиб ҳушини йўқотиб қўйди ва тили орқага кетиб қолди. Зудлик билан тез тиббий ёрдам кўрсатиб футболчини ҳаётини сақлаб қолишга эришдик.

- Ҳасан ака, кейинги йил ҳам "Рубин"да ишлашда давом этасизми?
- Ҳа. Футболни жуда яхши кўраман. "Рубин" жамоасида келаси йилларда ҳам яхши ишлаб келажакда Ўзбекистон терма жамоасида ишлашни ният қиламан.

Фарҳоджон Узоқов суҳбатлашди