Жанубий Корея U-23 бош мураббийи: "Биз рақибга қараганда бир кун кам дам олдик"

Чорак финалда Японияни 4:0 ҳисобида мағлуб этган Ўзбекистон U-23 терма жамоаси эртага финалга чиқиш учун Жанубий Кореяга қарши баҳс олиб боради. Бугун ўйиндан олдинги матбуот анжумани ташкил этилди.

Жанубий кореялик футболчилар аввалги босқичда Малайзияни 2:1 ҳисобида енгишди. Бу жамоа шунингдек, гуруҳ босқичида Австралияни 3:2 ҳисобида мағлуб этган.

Ўйиндан олдинги матбуот анжуманида Ж.Корея бош мураббийи Ким Бонг Гил шундай деди:

- "Ярим финалгача етиб келдик ва бунинг учун ҳамма шогирдларимга раҳмат. Энди ярим финалда Ўзбекистон билан ўйнаймиз. Мен кўрдимки, рақибнинг ҳимоя ва ҳужум чизиғида яхшигина боғлиқлик бор. Баъзи ўйинчиларим толиққан, шунингдек айримларида жароҳат бор. Аммо финалга чиқиш учун бор кучни ишга соламиз".

- "Биз рақибга қараганда бир кун кам дам олдик, бу эса яхши бўлмаслиги мумкин. Лекин ютқазиб қўйсак бу баҳона бўла олмайди. Албатта, камчиликларимиз бор ва ўйиндан ўйинга уларни тўғрилаш устида ишлаяпмиз".

- "Биз ҳамма ўйинларни мана стадионда ўтказдик, балки бу ҳам устунлик бериши мумкин. Аммо биз ҳам бошқалар билан бир хил шароитдамиз, чунки барча жамоалар Хитойда ўйнаяпти".