Жанлуижи Буффон Италия терма жамоасига қайтди
06 авг 2023 07:34
Янгиликлар
Яқинда футболчилик фаолиятини якунлаган 45 ёшли собиқ дарвозабон Италия миллий жамоасида делегация раҳбари сифатида иш бошлашини маълум қилди.
Буффонга қадар Роберто Манчини бош мураббийлигидаги Италия миллий жамоасида делегация раҳбари сифатида Жанлука Виалли ишлаган эди. Италиялик собиқ футболчи 2022 йилнинг декабрь ойида ўз лавозимини тарк этган, бир ой ўтиб, 2023 йилнинг январида узоқ давом этган касаллик туфайли ҳаётдан кўз юмганди.
2010 йил Буффон Италия миллий жамоаси сардорига айланган бўлса, 2018 йилда миллий жамоадан кетишини эълон қилганди.
У фаолияти давомида 5та жаҳон чемпионатида (1998, 2002, 2006, 2010, 2014) қатнашган. 2006 йил Германияда ўтган мундиалда бош совринга эга чиқиб, турнирнинг энг яхши дарвозабонига айланганди.
Ўхшаш янгиликлар
championat.asia
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Португалия ЖЧ йўлланмасини қўлга киритганидан сўнг Роналду қисқа фикр билдирди
"Шармандалик, бу шармандалик!"
Фикрлар