UZ

Сўнгги янгиликлар

01:33"Спорт-Экспресс": Каннаваро Ўзбекистон терма жамоасида Дешамдан кўп маош олади  11 01:00Аргентина термасининг октябрь ойидаги ўртоқлик ўйинлари учун қайдномаси эълон қилинди  1 00:36Англияда рекорд ўрнатган мураббий МЮни текинга бошқаришга тайёр  2 00:17Франческо Тотти: "Фақатгина "Рома" бунга қодир бўлса керак"  1 23:48Никки Батт: "Манчестер Юнайтед"даги ҳолатни Пеп ва Клопп ҳам ўнглай олмайди"  2 23:26ЛаЛиганинг сентябрь ойидаги энг яхши футболчиси эълон қилинди  1 23:05Суперлига. "Хоразм" – "Навбаҳор" 1:1  0 22:53Миржалол Қосимов: "Бугун тўп билан муомала қила олмадик"  1 22:26Баҳром Ҳайдаров: "ОКМКдек жамоани ютиш биз учун катта шараф"  3 22:15U-21 биринчилиги. 23-турда пешқадам ўзгарди, "Бунёдкор"дан 6:1 ва бошқа натижалар  1 21:47Шерзод Жўраев: "Ҳозир кўпроқ футболчиларни руҳан тиклаш устида иш олиб боряпмиз"  5 21:24Ҳаким Фузайлов: "Шогирдларимга охиригача курашишгани учун раҳмат айтаман"  4 21:08Суперлига. ОКМК ўз уйида "Қўқон-1912"га мағлуб бўлди  24 20:53"Ливерпул"нинг ёз учун асосий мақсади аниқ  3 20:22Ўзбекистон U-20 термасининг Қозоғистонга қарши ўйинлар учун қайдномаси маълум қилинди  5

Жамолиддин Раҳматуллаев: "U-20 Жаҳон чемпионатининг Озарбайжон ва Ўзбекистонга берилиши катта мотивациядир" Янгиликлар

Жамолиддин Раҳматуллаев: "U-20 Жаҳон чемпионатининг Озарбайжон ва Ўзбекистонга берилиши катта мотивациядир"

2027 йилги U-20 Жаҳон чемпионати Озарбайжон ва Ўзбекистон мезбонлигида ўтиши эълон қилинди.

Мазкур мусобақада 2007-2008 йилда туғилган футболчилардан ибрат терма жамоамиз иштирок этади. Мазкур мавзу юзасидан Ўзбекистон U-18 терма жамоаси бош мураббийи Жамолиддин Раҳматуллаев фикрлари билан ўртоқлашди. 

"Куни кеча FIFA биз учун ёқимли хушхабарни эълон қилди: 2027 йилда биз Озарбайжон билан биргаликда 20 ёшгача бўлган футболчилар ўртасидаги Жаҳон чемпионатини қабул қиламиз. Бу жуда нуфузли мусобақа ва бежизга бизга ишониб топширилмади. Юртимизга FIFA президенти Жанни Инфантино бир неча бор ташриф буюриб, футболга давлат раҳбари даражасида эътибор қаратилганини ўз кўзлари билан кўрди. Сўнгги ташрифи давомида эса янги қуриб битказилган Олимпия шаҳарчаси ва Ўзбекистон футбол ассоциациясининг замонавий футбол базаси билан ҳам танишган эди. Шунингдек, Ўзбекистонда юқори савияда ташкил этилган U-20 Осиё кубоги ҳамда футзал бўйича катталар ўртасидаги Жаҳон чемпионати ҳам бу қарор қабул қилинишига катта туртки бўлганини бемалол айта оламиз.

Бу хабар нафақат футбол жамоатчилигини, балки футболсевар халқимизни ҳам жуда хурсанд қилди. Хурсандчилигимиз бардавом бўлсин!

Шахсан мен учун ҳам бу жуда қувонарли янгилик, чунки бу U-20 жамоамиздаги йигитлар учун катта мотивация ва масъулиятдир. Тўғри таъкидлаганингиздек, аввал 2006 йилда туғилган футболчилар билан U-17 Жаҳон чемпионатида иштирок этган эдик. Ўша таркибдан Азиз Толқинбеков, Беҳруз Каримов ва Қувонч Абраев бугунги жамоамизга ҳам номзод ҳисобланадилар.

Тайёргарликка келсак, олдимизда 9 ва 12 октябрь кунлари Озарбайжон билан Тошкентда халқаро ўртоқлик ўйинлари белгиланган. Кейинги босқичда эса УФА билан ҳамкорликда батафсил тайёргарлик режасини тузиб оламиз. Жамоанинг асосий йирик синовлари 2026 йилдаги Осиё кубоги саралаш босқичи ҳамда 2027 йилдаги Осиё ва Жаҳон чемпионатлари бўлади", – дейди Жамолиддин Раҳматуллаев.


Абдулазиз Искандаров

Рейтинг: +1   

Фикрлар

   
03 окт 19:57:54
Равиш
Узбекистонда утган яхши, лекин уйинлар факат Тошкенда эмас, вилоятларга хам куйиш керак. Вилоятларда футболга кизикиш пойтахтдан кучли , Ирок билан Киргизистон уйнаса хам уйингох туланди.
   
03 окт 17:48:10
Rustam Ruziyev
Mahmud Ttww фойдаланувчининг фикрига жавоб бериш
Биламан, лекин Исмаилов боллари яхши жамоа.
Тўғриси Раҳматуллаев яхши натижа кўрсатишига ишончим йўқ
   
03 окт 17:37:32
Mahmud Ttww
Rustam Ruziyev фойдаланувчининг фикрига жавоб бериш
Исмоилов жчмоаси 2027-йилда U19 бўлади, бу турнирда Жамолиддин Раҳматуллаев жамоаси иштирок этади
Биламан, лекин Исмаилов боллари яхши жамоа.
   
03 окт 15:42:42
Rustam Ruziyev
Mahmud Ttww фойдаланувчининг фикрига жавоб бериш
Бу турнирга Исмоиловни жамоаси қатнашадими, ўша вақтга 2027 йилга бориб U-20 бўлади шекилли.
Исмоилов жчмоаси 2027-йилда U19 бўлади, бу турнирда Жамолиддин Раҳматуллаев жамоаси иштирок этади
   
03 окт 13:00:41
Mahmud Ttww
Бу турнирга Исмоиловни жамоаси қатнашадими, ўша вақтга 2027 йилга бориб U-20 бўлади шекилли.
championat.asia
< сўнгги янгиликларни кўриш
Яндекс.Метрика