Икки футболчи билан тўқнашиб кетган дарвозабон вафот этди (+ВИДЕО)
15 окт 2017 19:07
Янгиликлар

Икки футболчи билан тўқнашиб кетган дарвозабон вафот этди (+ВИДЕО)

Теглар : Индонезия

Индонезиянинг "Персела Ламонган" жамоаси дарвозабони Хойрол Худа "Семен Паданг"га қарши ўйинда икки футболчи билан тўқнашиб кетиб ҳаётдан кўз юмди.

Бугун "Персела Ламонган" Индонезия чемпионати доирасида "Семен Паданг"ни қабул қилиб, 2:0 ҳисобида ғалаба қозонди.

Биринчи бўлимнинг охирида мезбонлар жарима майдончаси ичида Худа жамоадоши ва рақиб футболчиси билан тўқнашиб кетди. Дарбозабон шундан сўнг ҳушини йўқотиб қўйди.

Жамоа шифокори унга биринчи ёрдамни кўрсатди ва посбонни замбилда майдондан олиб чиқиб кетдилар. Афсуски, Худа шифохонага етиб бора олмади ва йўлда жон берди.

38 ёшли дарвозабон "Персела Ламонган"да 1999 йилдан бери ўйнаб келарди ва жамоа мухлислари учун афсона ҳисобланарди.