Жалолиддин Машарипов: "Олимпиадада қатнашиш Роналду билан бирга ўйнаш каби ҳамиша содир бўлавермайди. Бу ҳолат фақат менда бўлган"

- Ўйин ҳақида...

- Ўзбекистонликларни ғалаба билан табриклайман. Ўйиндан олдин айтганимдек, вазифани бажарган бўлсак ҳам, Туркманистонни ўз майдонимизда мағлуб этишимиз керак эди. Барча футболчилар ўз клубида яхши ўйнашмоқда, шу боис, ишончли ғалабага эришдик, деб ўйлайман. 

- Олимпиадага бориш ниятингиз борми? Агар турнирга бориш истаги бўлса, клубингиз рухсат бериши мумкинми? 

- ЎФАдан Олимпиадага олиб боришимиз мумкин деган маънода клубимга хат юборишибди. Олимпиадада иштирок этиш имконияти ҳар доим ҳам бўлавермайди. Қолаверса, учрашувлар ПСЖ клубининг уй стадионида ўтказилар экан. Бундай тарихий ҳолатлар камдан кам бўлади, худди мен Роналду билан бирга ўйнаганим каби. Бу ҳолат фақат менда бўлган (кулади). Шу боис, агар Олимпиадага олиб кетишса, албатта, бораман.

- Навбатдаги ўйин 11 июнь куни Эронга қарши ўтади. Сиз ва Ўрунов Эрон чемпионатида ўйнаяпсизлар. Бу терма жамоа учун фойдалими ёки зарарли? 

- Эрон чемпионатида олдинроқ кўпроқ футболчиларимиз ўйнаши керак экан. Уларга олдин юқори баҳо берар эканмиз. Эрон футболчилари бизга қарши бор кучи билан ҳаракат қилиши аниқ. 

- Иккинчи таймда Ўрунов билан бирга жуда яхши тушуниб ўйнадинглар. Бу мураббий кўрсатмаси бўлдими?

- Остон билан доим бир-биримизни яхши тушунганмиз, ҳамма мендан креатив паслар кутади. Биринчи бўлимда Элдор ҳужумда бир ўзи қолиб кетди, иккинчи таймда эса тўрт ҳимоячи тактикасига ўтдик, бунинг натижасида ҳужумкорлигимиз ошди.