Жалил Кимсанов: "Исландия Англияни ютганда, нима учун "Қўқон-1912" "Бухоро"ни ютолмаслиги керак"
28 июл 2016 09:42
Янгиликлар

Жалил Кимсанов: "Исландия Англияни ютганда, нима учун "Қўқон-1912" "Бухоро"ни ютолмаслиги керак"

Теглар : Қўқон-1912 Жалил Кимсанов

Ўзбекистон кубоги чорак финали доирасидаги “Бухоро” – “Қўқон-1912” жамоалари ўртасидаги ўйиндан олдин Қўқон жамоасининг тажрибали ҳимоячиси Жалил Кимсановнинг фикрлари билан қизиқдик.

- Жанговор ўйин бўлади. “Бухоро” жамоаси ҳурматга лойиқ жамоа. Лекин биз бухороликлардан кам эмаслигимизни дастлабки ўйинда кўрсатганмиз. Баъзи инсонлар бизга бироз ишончсизлик билан қарамоқдалар. Исландия Англияни ютганда, нима учун Қўқон Бухорони ютолмаслиги керак.

Агар биз ўз ўйинимизни кўрсатсак ва озгина омад ҳам биз томонда бўлса, албатта ўз ниятимизга етамиз. Жамоамизга янги ,тажрибали футболчилар билан келиб қўшилган. Ҳозирги кундаги жисмоний ҳолатимиз билан бемалол ҳар қандай жамоага қаршилик кўрсата оламиз. Мухлисларимиздан бизни чин дилдан қўллаб туришларини истаймиз ва улар учун майдонда боримизни беришга тайёрмиз – дейди Жалил Кимсанов.

"Қўқон-1912" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +23