Жаҳон чемпионати медалларини қўлга киритиш бўйича Германия етакчи, Франция ва Аргентинада тенглик

Жаҳон чемпионатида ғалаба қозонган саккиз жамоа орасида Италиядан ташқари барчаси Қатардаги мусобақага йўлланмани қўлга киритди. Гуруҳ босқичидан сўнг Уругвай ва Германия, 1/8дан кейин - Испания, 1/4дан кейин - Бразилия ва Англия мундиал билан хайрлашди.

Хўш, барча жаҳон чемпионатларидаги умумий медаллар жадвали қандай кўринишга эга? Келинг, буни кўриб чиқамиз. 

Медаллар рейтингини тузишда Олимпиада қоидаларига амал қилдик, яъни олтин медалларни қўлга киритиш умумий медаллар миқдоридан устун қилиб олинди.

1. Бразилия - 5 олтин, 2 кумуш, 2 бронза, жами 9 та.

2. Германия - 4 олтин, 4 кумуш, 4 бронза, жами 12 та.

3. Италия - 4 олтин, 2 кумуш, 1 бронза, жами 7 та.

4. Аргентина - 2 олтин, 3 кумуш, жами 5 та.

5. Франция - 2 олтин, 2 кумуш, 1 бронза, жами 5 та.

6. Уругвай - 2 олтин, жами 2 та

7. Англия - 1 олтин, жами 1 та

8. Испания - 1 олтин, жами 1 та

9. Нидерландия - 3 кумуш, 1 бронза, жами 4 та

• Қатардаги турнир якунлангач, кучли учлик ўзгармайди.

• Нидерландияни чемпионлар рўйхатига киритиш ғалати туюлса-да, уч марта финалда (1974, 1978, 2010) ўйнаган ва учаласида ҳам мағлуб бўлган жамоани алоҳида эътироф этишни лозим кўрдик.

• Испания, Уругвай ва Англия финалларда 100% натижа қайд этишган.

• Уругвай биринчи (1930) ва тўртинчи (1950) жаҳон чемпионатларида ғолиб чиқди, кейин эса кубок қаршисига яқинлаша олмади. Жамоа 2010 йилги мундиалнинг 3-ўрин учун кечган баҳсида Германияга мағлуб бўлганди (2:3).

• Германия сўнгги икки жаҳон чемпионатида гуруҳ босқичидан нарига ўта олмаётган бўлса ҳам, умумий медаллар сони бўйича етакчи бўлиб турибди. 2002 йилдан 2014 йилгача кетма-кет тўртта мундиалда терма жамоа медаллар соҳибига айланди.

• Аргентина ва Франция иккитадан олтин медалларга эга чиқишган, аммо якшанба куни уларнинг бирида бу рақам учтага етади.