Иззат Ғаниев: “Устунлик “Хотира-79”да бўлгани ҳисобда ҳам акс этиб турибди”
06 май 2016 13:54
Янгиликлар

Иззат Ғаниев: “Устунлик “Хотира-79”да бўлгани ҳисобда ҳам акс этиб турибди”

Кеча биринчи лиганинг 7-туридан ўрин олган “Хотира-79” – “Хоразм” баҳсида мезбонлар 2:0 ҳисобида ғалаба қозонди. Учрашувдан сўнг уйчиликларнинг марказий ярим ҳимоячиси Иззат Ғаниев ўз фикрларини билдириб ўтди.

- Жамоамизда футболчилар билан мураббий ўртасида жуда яхши муносабат ўрнатилган. Ҳудди ака-укадекмиз. Бугун жамоамизда ютуққа бўлган иштиёқ кучли эди. Амалда буни исботладик. Ўйинда устунликка эришдик. Бу ҳисобда ҳам акс этиб турибди. Рақиб жамоа таркиби асосан ёшлардан иборат эканлиги билиниб турди.

- 3та пенальти?! Бу ҳакамнинг қарори. Демак улар ҳақ. Бу йилги мавсумни биринчи лига аъзоси “Хотира-79”да бошладим. Бу ерга мени бош мураббий Рустам Дўрмонов таклиф этди. Билсангиз, илгари ҳам бу мураббий қўли остида “Нефтчи” ёшлар жамоасида ўйнаганман. Шу боис у киши имкониятларимни яхши билади. Янги жамоам ҳақида нима десам бўлади? Ўзига яраша биринчи лигада ўрни бор. Бир неча йиллардан буён мусобақада иштирок этиб келмоқда. Таркибда ўз вақтида олий лигад ўйнаган футболчилар ҳам бор. Умуман олганда, жамоага қисқа фурсат ичида мослашиб кетдим. Йигитлар илиқ кутиб олишди. Футболчиларнинг кўпчилиги билан олдиндан танишлигим ҳам жамоага кўникиб кетишимда асқотди.

Исломбек Рустамбеков.

Ҳавола :

Манба : championat.asia

Янгиликларни Телеграмда ўқинг!

Рейтинг: +2