Ихтиёр Тошпўлатов: "Хатони тўғрилашга ҳаракат қиламиз"

"Бизни кучли босим остидаги ўйин кутмоқда. Биринчидан ўз майдонимизда очилиш учрашувида ўйнаймиз, иккинчидан ўтган турдаги аламли мағлубиятни ҳали унутганимиз йўқ. Муносиб тайёргарлик олиб бордик ва эртага фақат ва фақат ғалаба биз учун майдонга тушамиз. Мухлисларимиз бизга ишонса ва қўллаб-қувватлаб турса натижага ҳам эришамиз".

"Майдонимиз яхши ҳолатда ва машғулотлар ўтказмоқдамиз. Мослашиш қийин кечмайди деб ўйлайман. Рақибдан кўра бу майдон бизга таниш. Ўйинга ҳаммамиз тайёрмиз ва бошқа ҳеч қандай сабаб бизга таъсир ўтказмаслигига ишонамиз. Рақибимиз ҳақида яхши биламиз. "Металлург" исталган жамоани ҳар қайси майдонда бўлса ҳам егишга қодир. Буни бир неча бор исботлаган ҳам. Ўтган йили қийинчилик билан қўлга киритилган дуранг ҳам ёдимиздан чиққани йўқ. Олдинда бизни сафарда "Бунёдкор" билан ўйин кутмоқда. Буни аҳмияти эса икки баробар оғирдир. Йўл қўйган хатоларимизни тўғрилаш учун ҳаракат қиламиз. Ўйлайманки, уч очкони қўлга киритамиз", - дейди Тошпўлатов эртанги баҳс ҳақида.

"Машъал" матбуот хизмати