Италиядаги барча спорт тадбирлари коронавирус туфайли тўхтатилди
10 мар 2020 10:15
Янгиликлар

Италиядаги барча спорт тадбирлари коронавирус туфайли тўхтатилди

Теглар : А Серия

Италия чемпионати ўйинларини ўтказиш коронавируснинг бутун мамлакат бўйлаб тарқалаётгани сабабли тўхтатилди.

Италия Бош вазири Жузеппе Контенинг таъкидлашича, Италияда барча спорт тадбирлари тўхтатилган.

"Энди бизда вақт йўқ, рақамлар касаллик ва ўлимнинг сезиларли даражада ошганлигидан далолат бермоқда. Бизнинг одатларимиз ўзгариши керак, бутун Италия манфаати учун бирор нарсани қурбон қилишимиз зарур. Шунинг учун биз янада қаттиқроқ чораларни кўрамиз. А Cерия ва барча спорт мусобақалари тўхтатилди. Буни барча мухлислар тўғри қабул қилишлари лозим", - деди Конте.

Эслатиб ўтамиз, олдинроқ Италия Олимпия қўмитаси коронавирус тарқалиш хавфи туфайли 3 апрелгача мамлакатдаги барча спорт тадбирларини бекор қилишга чақирган эди.

Ҳозирги кунда Италияда 9172 киши коронавирус билан касалланган, вафот этганлар сони эса 463 кишини ташкил этади.

26 турдан сўнг "Ювентус" 63 очко билан А Серия пешқадамига айланганди. 62 очко тўплаган "Лацио" иккинчи ўринни эгаллаб турибди. Учинчи ўринда 54 очко билан, захира ўйинга эга бўлган "Интер" бормоқда.