“Истиқлол” жамоаси иккинчи даврага Тошкентда тайёрланмоқда ФОТО

Фарғоналиклар айни дамда Тошкентда йиғин ўтказишмоқда. 28 июльдан пойтахтда йиғилган “Истиқлол” футболчилари 10 кун давомида “Ўзбекистон” мехмонхонасида истиқомат қилишади.

Жамоа мазкур йиғин давомида 3 та назорат ўйинини ўтказишни режалаштиришган. Дастлаб “Локомотив-БФК” билан баҳс олиб борган “Истиқлол” вакиллари, кеча “Локомотив” ўринбосарлари билан 2:2 ҳисобида дуранг ўйнашди. Кейинги назорат ўйини эса “Обод” билан бўлади.

Жамоа бош мураббийи Усмон Асқаралиев таркибга бир қатор тажрибали футболчиларни таклиф этмоқда. Санжар Асқаралиев, Элёр Акбаров, Нодир Ашурматов, Али Раҳимзода айни дамда “Истиқлол” сафида шуғулланишмоқда.