UZ

Сўнгги янгиликлар

08:12Навбатдаги йирик мағлубиятдан сўнг тен Хаг истеъфо ҳақида фикр билдирди  3 07:47Sofascore. Гол урган Файзуллаев кечаги баҳсда неча баҳога лойиқ кўрилди?  4 07:19Суперлига. Бугун иккита учрашув бор  1 06:50РПЛ. ЦСКА - "Рубин" 2:2   1 06:45Лига 1. "Лилль" - "Лион" 3:4   0 06:40АПЛ. "Кристал Пэлас" - "Манчестер Юнайтед" 4:0   0 06:35Саудия чемпионати. "Ал Аҳли" - "Ал Ҳилол" 1:2   0 06:30Серия А. "Удинезе" - "Наполи" 1:1   0 02:08Лига 1. "Лион" 10 дақиқада 3та гол уриб, ажойиб камбэк ижро қилди  2 02:00АПЛ. "Кристал Пэлас" МЮни "ер тишлатди"  33 01:47А Серия. "Наполи" "Удинезе" билан дуранг ўйнади ва келаси мавсум ЧЛда ўйнаш имкониятидан деярли маҳрум бўлди  1 01:04БАА. Азиз Ғаниев жамоаси чемпионлик учун курашни давом эттирмоқда  1 00:35Файзуллаев гол урди, бироқ ЦСКА сўнгги дақиқаларда ғалабани қўлдан чиқарди  18 00:33Эрон. Машарипов гол урган баҳсда "Истиқлол" ғалабага эришди  1 23:34Жуд Беллингем нега "Реал"да 5 рақамини танлаган?  7

Ироқ U-20 терма жамоаси бош мураббийи: "Эртанги баҳс қўшимча таймларга қадар етиб бориши мумкин" Янгиликлар

Ироқ U-20 терма жамоаси бош мураббийи: "Эртанги баҳс қўшимча таймларга қадар етиб бориши мумкин"

Финал олдидан ўйинолди матбуот анжумани бўлиб ўтди.

Тошкентда бўлиб ўтаётган U-20 Осиё кубогининг финал баҳсидан олдин ташкил этилган матбуот анжуманида Ироқ U-20 терма жамоаси бош мураббийи иштирок этди ва эртанги баҳс бўйича ўз фикларини айтиб ўтди.


- Жаноб мураббий чемпионликка бир қадам қолди. Тайёргарлик қандай ўтди?
- Ушбу мусобақа жуда қийин бўлди, лекин биз финалгача етиб келдик ва шу йўлни бирга босиб ўтган барчага раҳмат айтаман. Биз финал йўлида Эрон ва кучли Японияни мағлуб этдик ҳамда финалга чиқдик. Эртага финал, биз Ўзбекистон терма жамоаси билан иккинчи маротаба тўқнаш келамиз. Биринчи учрашувни ҳам ёмон ўтказмаган эдик, лекин мағлуб бўлгандик.

Эртанги учрашувда, биринчи учрашувда йўл қўйган хатоларимизни тўғрилаймиз деган умиддаман. Ўзбекистон жуда кучли рақиб ва муҳлисларнинг қўллаб-қўватлаши ҳам бизга босим ўтказади, аммо биз чемпионликни мақсад қилдик. Биз узоқ йўл босиб ўтдик ва эртанги учрашув ушбу йўлнинг якуни бўлади. Ўйлайманки, эртага яхши учрашув ўтказамиз ва баҳс қўшимча таймларга қадар етиб бориши мумкин.

- Эртанги учрашув ҳақида фикрларингиз? 
Адам Талиб: Финал баҳсида биз чемпион бўлишга ҳаракат қиламиз. Бу мусобақадаги сўнгги ўйин ва унда биз бор салоҳиятимизни ишга солишимиз керак. Рақиб ҳам кучли жамоа.

- Биринчи учрашувдан сабоқ олиб, эртага яхшироқ ўйнаймиз демоқдасиз?
- Биз биринчи учрашувда Ўзбекистоннинг кучли ва кучсиз томонларини билиб олган эдик, лекин биз ҳам ўша учрашувда ҳатоларга йўл қўйгандик ва шу сабаб мағлуб бўлгандик. Биз Ўзбекистон терма жамоасини ўрганиб чиқдик ва эртага уларга қарши ҳаракатланамиз. Ўзбекистон терма жамоаси ўйин бошиданоқ хужум қилишни бошлайди ва босим ўтказади, биз эса ушбу босимдан чиқиб кетишимиз керак.

- Эртанги учрашувда қандай услубда ўйнамоқчисиз?
- Эртага стадиондан туриб учрашувни томоша қилсангиз билиб оласиз (кулади).

- Сиз ўзбекистонлик футболчиларга қарши аввал ҳам ўйнагансиз ва бизнинг футболчиларга қандай баҳо берасиз?
Адам Талиб: Мен ўзбекистонлик футболчиларнинг маҳоратини юқори баҳолайман. Ўзбекистон футболчиларининг жисмоний ҳолати ва техникаси жуда юқори деб ўйлайман.

- Жамоангиз мусобақада давомида ўйинини кучайтириб борди, футболчи сифатида бунга қандай эришдинглар?
Адам Талиб: Биз мусобақадаги ҳар бир учрашувда ўйинимизни яхшилаб бордик. Бунга сабаб футболчиларнинг мотивацияси ва ҳар бир учрашувдан сўнг орттирилган тажриба деб ўйлайман. Биз гуруҳ босқичида анча қийин учрашувларни ўтказдик. Масалан Сурияга қарши кечган учрашувда ғалабани сақлаб қола олмадик.

- Гуруҳ босқичида Ўзбекистон дарвозасига гол уролмадинглар. Эртанги учрашувда бошқа хужумчиларни майдонга туширасизми?
- Ўзбекистон ва Ироқ терма жамоалари ҳар хил услубда ўйнашади. Мен биринчи учрашувда иштирок этган ўйинчиларни алмаштирмайман, чунки захира ўриндиғи ҳам жуда узун эмас. Биз эртага яхши ўйин намойиш этамиз.

- Ўзбекистон билан бўлган баҳсни эслаб ўтсак, сабаби кўпчилик мухлисларнинг босими ҳақида гапирмоқда. Сиз эса гуруҳ босқичида ушбу муҳитда бўлиб кўрдингиз.
- Ҳа, мухлисларнинг қўллаб-қўватлаши анча катта босим бўлади, лекин биз бундай ҳолатда бўлиб улгурдик. Эртанги учрашувда биз мухлисларнинг қўллаб-қўватлашига эътибор бермаймиз. Биз ўз ўйинимизни кўрсатишимиз керак.

- Эртанги учрашув қандай ўтади деб ўйлайсиз ва эртага ким ғолиб бўлади?
- (кулади) Муҳаммад (С.А.В) биз билан ва биз кубокни Ироққа олиб кетамиз.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика