Ироқ терма жамоаси испаниялик мураббийини ишдан бўшатди
15 апр 2025 12:35
Янгиликлар
Ироқ терма жамоаси испаниялик мураббийини ишдан бўшатди
Ироқ футбол ассоциацияси испаниялик мураббий Хесус Касас Гарсия ва унинг ёрдамчилари билан шартнома улар шартнома мажбуриятларини жиддий бузгани сабабли бекор қилинганини эълон қилди.
"Бу қарор ФИФАнинг "Футболчилар мақоми ва ўтиши бўйича регламент"нинг 14-моддасига мувофиқ қабул қилинди. ФИФА бу ҳақда расмий равишда хабардор қилинган бўлиб, бу Ассоциацияга ваколатли органлар олдида ўз ҳуқуқий манфаатларини ҳимоя қилиш имконини беради", – дейилади расмий баёнотда.
Хесус Касас 2022 йил 5 ноябрдан буён Ироқ терма жамоасини бошқариб келаётганди. Жамоа 2023 йил унинг қўл остида Форс Кўрфази Кубогида зафар қучган эди.
Маълумот ўрнида, Ироқ терма жамоаси ЖЧ-2026 3-саралаш босқичи "B" гуруҳида кураш олиб бормоқда ва айни пайтда 12 очко билан 3-поғонани эгаллаб турибди. Терма жамоани олдинда Корея Республикаси ва Иорданияга қарши ўйинлар кутмоқда.
Ўхшаш янгиликлар
championat.asia
"Жирона" "Барселона"ни мағлуб этди! Ямалда омадсиз пенальти, якунда эса муштлашув
ЕЧЛ. Винисиуснинг ягона голи "Реал"га "Бенфика" устидан ғалаба тақдим этди. Моуринью четлатилди
Элит ОЧЛ. "Насаф" турнирдаги илк ғалабасини тантана қилди, аммо юришини гуруҳ босқичида якунлади
ОЧЛ-2. "Андижон" Қатарда "Ал Аҳли"га ютқазди ва мусобақа билан хайрлашди
Фикрлар