UZ

Сўнгги янгиликлар

02:50Баҳром Ҳайдаров: "Қизилқум"дек жамоани мағлуб этганимиздан хурсанд бўлдим"  0 01:55Суперлига. "Пахтакор" – "Нефтчи" 2:1  1 01:27Камолиддин Тожиев: "Пахтакор"га қарши барча рақиблар 200%га ўйнайди"  3 00:41Левченко: "Пахтакор" нима қилди? Фақат ҳимояланди-ку"  16 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   35 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  221 20:00"Қўқон-1912" "Қизилқум"нинг мағлубиятсиз сериясига чек қўйди  12 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0

Интервью. Акмал Мозговой: "Бу ҳали максимум эмас" Янгиликлар

Интервью. Акмал Мозговой: "Бу ҳали максимум эмас"

Қаршининг "Насаф" клуби ярим ҳимоячиси Акмал Мозговой журналист Эмил Бекмуҳамедовга "Насаф" ўйинидаги муваффақият сири, чемпионлик учун курашдаги рақиблари ва Чемпионлар лигаси-2 доирасида кутилаётган ўйинлар ҳақида сўзлаб берди.

- "Насаф"нинг жорий мавсумдаги ўйинини қандай баҳолайсиз?
- Менимча, ушбу мавсумда жамоамизнинг ўйини энг юқори баҳога лойиқ. Жамоадаги ҳар бир ўйинчи муваффақиятли натижаларга эришиш ва олдимизга қўйилган вазифаларни бажариш учун ўзининг бор куч-ғайратини сафарбар этмоқда.

- Фикрингизча, "Насаф"нинг жорий мавсум муваффақиятли ўйин кўрсатишида қандай сир бор?
- "Насаф"нинг муваффақиятли ўйин кўрсатишининг сири шундаки, ҳар бир футболчи ўз вазифасини профессионаллик билан, бор кучини сарфлаган ҳолда бажармоқда. Биз ягона мақсад - ғалаба қозониш йўлида максимум имкониятимизни ишга соламиз. Ўйлайманки, бу нафақат ушбу мавсум, балки ўтган йилларда ҳам муваффақиятимиз гарови бўлган.




- Мавсумнинг қолган қисмида ўз олдингизга ва жамоавий қандай мақсадлар қўйгансиз?
- Жамоамиз ўз олдига ҳамиша юксак мақсадларни қўяди: ҳар бир учрашувда ғалаба қозониш. Умид қиламанки, ушбу мавсумда чемпионликни қўлга киритамиз. Шунингдек, Осиё Чемпионлар лигаси-2'да имкон қадар узоқроққа боришни режа қилганмиз. Ўз навбатида, жорий мавсум кўпчиликнинг узоқ вақт мобайнида хотирасида қолиши учун қўлимиздан келган барча ишни қиламиз.

- "Насаф"нинг Ўзбекистон кубогини эрта тарк этиши кўпчилик учун кутилмаган ҳол бўлди. Жамоа бу натижани қандай қабул қилди ва сизнинг фикрингизча, нима нотўғри кетди?
- Ўйлайманки, Ўзбекистон кубоги жорий мавсумда қўлга киритишмиз мумкин бўлган, аммо бой берилган яна бир соврин ҳисобланади. Лекин шуни англашимиз керакки, футболда ҳар ким ютиши ёки ютқазиши мумкин. Бу сафар омадимиз келмади, чунки футболда ҳеч ким хатолардан муҳофазаланмаган. Бу футболнинг энг муҳим қисмларидан биридир.

- Олдинда жамоани ОФК Чемпионлар лигаси-2'даги иштирок кутиб турибди. Ушбу турнирдан нима кутяпсиз, халқаро майдондаги ўйинларга қандай тайёргарлик кўряпсиз?

- ОФК Чемпионлар лигаси-2 учрашувларига максимал тайёргарлик билан етиб борамиз. Ҳар бир учрашувда ғалаба қозонишга ҳаракат қиламиз. Шунингдек, финалга қадар етиб боришга ва уддасидан чиқсак, кубокни қўлга киритишга ҳаракат қиламиз.




- Жорий мавсум давомида ўз формангиз ва ўйинингизни қандай баҳолайсиз? Қайси жиҳатларингизни яхшилашни хоҳлайсиз?

- Агар ўн балли шкала бўйича баҳоласак, жорий мавсумдаги формамни етти-саккиз баллга баҳолайман. Бу ҳали максимум эмас. Ҳали ўз устимда ишлашим керак бўлган жиҳатлар бор, лекин бу сир бўла қолсин.

- Нима деб ўйлайсиз, чемпионлик учун курашда "Насаф"нинг асосий рақиби қайси жамоа ҳисобланади?

- Асосий рақиб сифатида битта жамоани қайд этолмайман, лекин ОКМК ушбу мавсумда яхши ўйнаётганини таъкидлаш жоиз. Шунингдек, "Сўғдиёна" ва "Пахтакор"ни ҳам алоҳида таъкидлаб ўтмоқчиман.

- Мухлисларнинг қўллаб-қувватлови сиз ва жамоанинг олдинга интилиши учун қандай ёрдам беради? Мухлисларингизга қандай дил изҳорларини айтишни хоҳлайсиз?

- Мухлисларнинг қўллаб-қувватлаши бизга қўшимча куч бағишлайди, айниқса, ўйин якунида бу сезилади. "Насаф" мухлисларига шуни айтишни истардимки, қаерда бўлишимиздан, қандай натижага эришишимиздан қатъи назар, бизни қўллаб-қувватлашда давом этишсин. Биз ҳар доим уларнинг қўллаб-қувватлашини ҳис қиламиз, бу бизга ҳар бир учрашувда қўшимча куч ва мотивация беради.


Эмиль Бекмухаммедов суҳбатлашди

Оқил Абдубарнаев таржимаси

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика