"Интер" Мхитарян ва Онанани текинга қўлга киритди
20 июн 2022 21:55
Янгиликлар
"Интер" Мхитарян ва Онанани текинга қўлга киритди
"Интер" бош директори Жузеппе Маротта клуб ярим ҳимоячи Генрих Мхитарян ва дарвозабон Андре Онана билан шартнома имзолаганини тасдиқлади.
"Тасдиқлашим мумкинки, биз Андре Онана ва Генрих Мхитарян билан текинга шартнома имзоладик, футболчилар билан боғлиқ иккала келишув амалга ошди", - дейди Маротта.
Эслатиб ўтамиз, 33 ёшли Мхитарян "Рома" таркибида 2021/22 йилги мавсумда барча мусобақаларда 44 та ўйинда 5 та гол урди ва 9 та голли узатмани амалга оширди.
"Барселона" академияси тарбияланувчиси бўлган 26 ёшли Онана эса 2015 йилдан буён "Аякс"да ўйнаб келаётганди. У Амстердам клуби сафида барча мусобақаларда 204 та ўйин ўтказган, шулардан 84 тасида дарвозасидан тўп ўтказиб юбормаган.
Шунингдек, у Камерун терма жамоаси сафида 17 та ўйин ўтказган, шулардан 9 тасида ўз дарвозаси дахлсизлигини сақлаб қолган.
Ўхшаш янгиликлар
championat.asia
ESPN XXI асрнинг энг яхши футболчилар рейтингини эълон қилди. ТОП-25
Бекободни катта футболсиз қолдирманг
Роналду: "Қайси биринг Мессини мендан кучлироқ дединг?"
Франция кубоги. "Ланс" ПСЖга пенальтилар сериясида мағлуб бўлди, Ҳусанов жамоасини ўйинда олиб қолган голига муаллифлик қилди!
Фикрлар