Ҳакамлар Стерлингнинг кроссидан сўнг тўп майдонни тарк этганини кўрмай қолди ва бу билан уларга кўпроқ технология ёрдами кераклигини яна бир маротаба исботлашди.
Ўйин бош ҳаками Мартин Аткинсонга қанотда ёрдам берган Скот Лежер тўп майдонни тарк этганини кўрмай қолди ва ўша вазиятда Стерлингнинг пасидан сўнг Кевин де Брюйне ҳисобни 3:1га етказади. Бу шубҳали ҳолат эди, аммо секинлаштирилган кадрлар ёрдамида тўп чизиқни бутунлай тарк этгани яққол кўринган.
Катта тезликда югуриб бу вазиятни 40 метр узоқликдан кўра олишнинг умуман иложи йўқ.
Бундай пайтларда технология ёрдамга келиши керак, худди гол аниқлаш тизим каби ёки такрорий лавҳалардан фойдаланишни йўлга қўйиш керак. "Эвертон" бир неча кун олдин ҳам ҳакамларнинг хато қароридан жабр чеккан эди. Ўша учрашувда "Челси" ҳимоячиси Жон Терри офсайддан гол уриб кетган.
"Эвертон" утозининг фикрича, бу хато ўйин тақдирига таъсир кўрсатган: "Хато туфайли учрашув натижасига таъсир кўрсатилди. Бу жуда ачинарли хол. Агар бу гол бўлмаганида баҳс умуман бошқа ҳисоб билан якун топиши мумкин эди".
