Илҳом Мўминжонов: "Ҳошимовнинг тажовузкор ўйинлари менга ёқади"

"Локомотив" жамоасига қарши 10 киши бўлиб ўйнаш жуда қийин. Уларнинг ҳар бир чизиғида тажрибали футболчилар ўйнашади. Бироқ шогирдларимнинг иккинчи бўлимдаги ўйини учун раҳмат айтаман. Улар яхши ўйин кўрсата олишди.

Ҳошимов? Футбол - бу балет эмас. Унинг тажовузкор ўйинлари менга ёқади. Унинг иккита қўпол хатоси туфайли биз 10 киши бўлиб қолдик ва мағлубиятга учрадик. У ҳозирги кунда 80 фоиз кучи билан ўйнамоқда. Даврон биринчи даврадаги жароҳати сабабли анча муддатни майдондан ташқарида ўтказиб юборди. Ҳар бир футболчининг ўзига ҳос эмоциялари бор. У қизил карточкага лойиқ эди.

Никач? У 10 кун қолганда бизнингсафимизга келиб қўшилди. У жамоага кўника олмаяпти. Аста-секин у олдинги ўйинларини "Навбаҳор"да ҳам кўрсата олади. Дарко ғалабаларда ўз ҳиссасини қўшишига умид қиламан. Илк давра олдидан жамоага олиб келган янгилартезда ўзини кўрсата олганди. Бироқ Никач бизга кўникиши қийин бўлмоқда.

Аъзам Алиев: "Ўйин яхши бўлди. Қизил карточка туфайли режаларни ўзгартирдик.“Локомотив”га қарши 10 киши бўлиб ҳаракат қилиш жуда ҳам оғир. Иккинчи бўлимда яхши ўйин кўрсата олгандик. Бироқ мағлубиятга учрадик.

Ўзим марказий ярим ҳимоячиман. Ўзимни шу позицияда эркинроқ ҳис қиламан. Аммо мураббийлар мени қаерга қўйса, ўша ерда ўзимни кўрсатишга интиламан".