Икки йилдан бери ўз майдонида ўйнамаётган "Нурафшон" қандай қилиб ОФК лицензиясини олди?

2022 йил учун Ўзбекистондан 12 та клуб ОЧЛ лицензиясини олди

Суперлига ва Про лига жами 22та жамоадан 12та клуб ОФК лицензиясига эга бўлди. Сўнгги йилларда муаммога дуч келаётган "Насаф" бу сафар лицензиялаш ишларини бажарди. "Нурафшон" ("Бухоро")нинг қандай қилиб лицензияга эга чиққани кўпчиликни ўйлантириб қўйди. Жамоа икки йилдан бери ўз майдонидан фойдалана олаётгани йўқ-ку, деган мазмундаги саволларга жавоб бериб ўтишни лозим, деб билдим. 

2021 йил клубларни лицензиялаш регламентига юзланамиз. 

14-боб. Инфратузилма меъзони 

1. Лицензия талабгори ЎзПФЛ ҳамда ОФК мусобақалари доирасидаги уй

учрашувларини ўтказиш учун стадионга эга бўлиши зарур. Лицензия талабгори:

а) ўз стадионига эга бўлиши лозим; ёки

б)стадион эгаси билан ундан фойдаланиш бўйича шартномага эга бўлишлари

зарур. Ушбу шартнома келгуси мавсумда ҳам Лицензия талабгорининг

стадиондан фойдаланишини кафолатлаши зарур.

2. Стадион қуйидаги норматив ҳужжатларда белгиланган талабларга жавоб бериши

лозим:

а) Стадионлар тўғрисидаги Низом;

б) Мусобақалар Регламенти.

3. Стадион мавсум олдидан ЎзПФЛ томонидан белгиланган тартибда

тасдиқланиши ва Лицензия талабгори шарафини ҳимоя қилувчи шаҳарда жойлашган

бўлиши лозим.

Биринчидан, "Нурафшон" ("Бухоро") ўз стадионига эга. Лекин майдон ҳолати талабга жавоб бермагани учун ундан фойдалана олаётгани йўқ. Регламентда эса майдон ҳолати билан боғлиқ банд киритилмаган. 

Иккинчидан, стадион Бухоро шаҳрида жойлашган. Ўтган мавсум эса Муборакда "Машъал" майдонидан фойдаланганди (клуб 2021 йил учун лицензия олмаган). Стадион ёритгичлари ҳозирда 1500 люксни ташкил қилади. Медиа трибуна, кийиниш хоналари бор.  Фақатгина майдон сифатини яхшиламоқда, холос.

Айтиб ўтиш жоиз ўтган йили 2021 йилги ОЧЛ учун 7та клубимиз ("Пахтакор", "Локомотив", "Бунёдкор", "Навбаҳор", "Металлург", АГМК, "Сўғдиёна") ОФК кубоги учун 1та клубга ("Насаф") лицензия берилган эди.

Абдулазиз Искандаров