"Спорт Экспресс" газетасига берган интервьюсида мутахассис шундай дейди:
- Иш бўйича ҳеч нима ўзгармайди. Шу тарзда давом этамиз. Вақтинчалик бош мураббий бўлган бўлсамда, ўзимни бош мураббий сифатида ҳис этгандим. Раҳбарият ҳам шундай қарорга келишини кутгандим. Бунинг учун аввало сўнгги ўйинларда қайд этган натижаларимиз сабаб бўлди. Жамоа нима қилаётганини билди, ғалаба қозондик ва биз олға интилдик. Биз энди бор эътиборни ички чемпионатда ё биринчи ўрин учун, бўлмаса ЕЧЛ йўлланмасини қўлга киритишга қаратишимиз керак.
