Иброҳим Ибрагимов: "Янги мураббий билан адаптация жараёни кетмоқда, унга вақт керак"
03 апр 11:26
Янгиликлар


Иброҳим Ибрагимов: "Янги мураббий билан адаптация жараёни кетмоқда, унга вақт керак"
Суперлиганинг қолдирилган 1-тури доирасидаги "Пахтакор" – "Машъал" (5:0) ўйинидан сўнг мезбонлар ҳимоячиси Иброҳим Ибрагимов фикрлари билан ўртоқлашди.
"Машъал"га қарши баҳсда жуда узоқ кутилган ғалабага эришдик. Сабаби, чемпионатни икки мағлубият билан бошлагандик. Янги мураббий билан адаптация жараёни кетмоқда. Бугун унинг кўрсатмаларига ижобий ёндаша олдик ва ғалабага эришдик.
Мавсум бошида таркибга кўплаб янги футболчилар жалб этилди. Таркибдаги футболчилар бир-бирини тушунишлари учун маълум муддат талаб этилади. Мураббийга ҳам ўйинчиларга ўз ғояларини сингдириши учун вақт керак.
Энди кейинги ўйин ҳақида бош қотирамиз ва беллашувга тайёр бўламиз, деб ўйлайман", деди 24 ёшли футболчи.
Ўхшаш янгиликлар

Фикрлар