Ҳусниддин Нишонов: "Залга кўникишга ҳаракат қиляпмиз"
09 окт 2023 20:39
Янгиликлар

Ҳусниддин Нишонов: "Залга кўникишга ҳаракат қиляпмиз"

Ўзбекистон ҳамда Малайзия футзал терма жамоалари ўртасидаги Осиё чемпионати саралаш баҳсидан (4:3) сўнг, мезбонлар футзалчиси Ҳусниддин Нишонов интервью берди.

Ҳусниддин Нишонов: "Ушбу ўйинга келган мухлисларга катта раҳмат. Иккита баҳсда иккита ғалабага эришдик. Асосийси Осиё чемпионатига чиқиб олдик".

Ўйинни тўлиқ назорат қилдик, бироқ учрашув охирида баъзи хатолар бўлди, улар устида ишлаймиз. Ироққа қарши учрашувда бундай хатолар қилмаймиз деб умид қиламан".

- Ўтказилган икки учрашувдан келиб чиқиб қайси жамоа сизда илиқ таассурот қолдирди?

- Малайзия. Уларнинг мураббийи Хосе Мария Мендеснинг шогирди бўлади. Улар яхши тайёрланишган экан. Баҳс охирирда рақиб 5 киши бўлиб ўйнаганида баъзи хатоларга йўл қўйдик, тўғирлаймиз.

- Терма жамоа иккита ўйиндан бери биринчи бўлимда гол уришга қийналяпти...

- Залга кўникишга ҳаракат қиляпмиз. Вазиятлардан унумли фойдалана олмаяпмиз. Кейинги баҳс ва турнирларда бундай бўлмаслигига ҳаракат қиламиз.