Ҳусниддин Нишонов: "Жамоадошларим келгуси йил ҳам таркибда қолса, титулларни ҳимоя қиламиз"
06 июн 2022 00:32
Янгиликлар

Ҳусниддин Нишонов: "Жамоадошларим келгуси йил ҳам таркибда қолса, титулларни ҳимоя қиламиз"

Футзал бўйича Ўзбекистон кубогининг финал баҳсидан сўнг турнир ғолиби "Жиззах-Кентекс" аъзоси Ҳусниддин Нишонов ўз фикрлари билан ўртоқлашди.

"Бугунги ғалабадан жуда хурсандман. Ўзбекистон чемпионати ҳамда кубоги ғолибига айландик. Бундай натижа ҳар кимга ҳам насиб қилавермайди. Шунингдек, шиддатли кураш таклиф этган "Пахтакор" жамоасига ҳам раҳмат айтаман.

Биринчи таймда қийинчиликларга дуч келдик. Иккинчи бўлимда эса ўз услубимизни юзага чиқара олдик.

Бир-бирига ўхшаш икки гол киритишим рақиб дарвозабонининг айби билан содир бўлмади. Шунчаки, ўша вазиятларда ўзимга қулай нуқтада турганим учун ўз услубимда зарба йўлладим.

Ҳозирги жамоадошларим келгуси йил ҳам таркибда қоладиган бўлса, титулларни ўзимизда сақлаб қолишга ҳаракат қиламиз", — дейди ҳал қилувчи баҳснинг энг яхши футболчиси.

Ҳавола :

Манба : championat.asia

Янгиликларни Телеграмда ўқинг!

Рейтинг: +1