Ҳусейн Шодиев: "Ўзбекистон терма жамоаси жисмонан биздан яхшироқ тайёргарликка эга экан"
31 янв 2016 11:31
Янгиликлар

Ҳусейн Шодиев: "Ўзбекистон терма жамоаси жисмонан биздан яхшироқ тайёргарликка эга экан"

Теглар : Футзал

Футзал бўйича Тошкентда ўтадиган Осиё чемпионатига тайёргарлик кўраётган Ўзбекистон миллий терма жамоаси 27-28 январь кунлари Тожикистон терма жамоаси билан иккита ўртоқлик учрашуви ўтказди.

"Ўзбекистон" спорт мажмуасида бўлиб ўтган биринчи баҳсда 1:1 ҳисобидаги дуранг натижа қайд этилган бўлса, иккинчи беллашув вакилларимизнинг йирик 11:2 ҳисобидаги ғалабаси билан ўз якунига етди. Иккинчи ўйиндан кейин Тожикистон терма жамоаси бош мураббийи Ҳусейн Шодиевнинг фикрлари билан қизиқдик.

"Биринчи ўйинни шогирдларим яхши ўтказишди. Иккинчи баҳсда эса йигитлар дуранг туфайли бироз бўшашишди деб ўйлайман. Илк кундаги натижа уларга панд берди.

Йиғинимиз олдин режалаштирилгандан бироз кечроқ бошланди. Шу боис шогирдларим кетма-кет иккита ўйин ўтказишга бироз қийналишди. Уларда чарчоқ аломатлари сезилиб қолди. Ўзбекистон терма жамоаси жисмонан биздан яхшироқ тайёргарликка эга экан. Иккинчи бўлимда улар катта ташаббусга эга бўлишди", - дейди Тожикистон терма жамоаси бош мураббийи Ҳусейн Шодиев.

Ҳавола :

Манба : ufa.uz

Янгиликларни Телеграмда ўқинг!

Рейтинг: +1