Ҳамиджон Актамов: “Андижон”га қарши ўйиндан олдин таркибда жиддий йўқотишлар бор эди”
26 мар 2016 13:58
Янгиликлар

Ҳамиджон Актамов: “Андижон”га қарши ўйиндан олдин таркибда жиддий йўқотишлар бор эди”

“Қизилқум” — “Андижон” жамоалари учрашуви (2:2) якунлангач, матбуот анжумани иккинчи қисмида мезбонлар бош менежери Ҳамиджон Актамов иштирок этди.

Учрашув олдидан жамоамиз таркибида жиддий йўқотишлар бор эди, — дея сўз бошлади Ҳамиджон Ғуломович. — Бу бугун ўйинимизга ўз таъсирини ўтказмай қолмади. Ҳимоячиларнинг оддий вазиятларда хатога йўл қўйганлиги ғалабани қўлдан чиқаришимизга сабаб бўлди. Мухлислар чиройли футболга гувоҳ бўлишди. Бизни ҳар бир ўйинда қўллаб-қувватлаётган ишқибозларга раҳмат айтаман. Барчаси 21 май куни Андижонда бўладиган жавоб учрашувида ҳал бўлади.

Легионерларимиз Андрей Деркач, Георгий Квесиешвили жараҳоти туфайли майдонга чиқмаган бўлса, етакчи ярим ҳимоячимиз кутилмаганда шамоллаб қолди. Улар албатта чемпионатнинг учинчи тур учрашувига қадар таркибига қўшилишади, деган умиддаман.

Энди бор эътиборимизни чемпионат баҳсларига қаратамиз. Олдимизда “Олмалиқ”қа қарши муҳим учрашув бор. Муҳими, жамоамиз аъзоларининг кайфияти аъло. Навбатдаги учрашувларда ҳам фақат ғалаба иштиёқида майдонга тушамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +1