Ғулом Ўруновга “Динамо” харидор
14 дек 2013 17:59
Янгиликлар

Ғулом Ўруновга “Динамо” харидор

Таянч ярим ҳимоясида ишончли ўйинлари эвазига кўпчиликни эътиборига тушган Ғулом Ўрунов ҳам “Нефтчи”ни тарк этган навбатдаги футболчига айланди.

Давралар оралиғида “Пахтакор”дан фарғоналикларга трансфер қилинган футболчининг амалдаги шартномаси тугади.
Шу боис Ўрунов айни пайтда эркин агент мақомига эга.

Тасдиқланмаган хабарларга кўра, Ғулом “Динамо” мураббийлари қизиқиши доирасидан ўрин олган футболчилар қаторида турибди.
Бу бежиз эмас албатта, чунки ушбу жамоани бошқариб келаётган Равшан Ҳайдаров футболчининг имкониятларини жуда яхши билади.
Илгари Равшан Акмалович “Қизилқум”да ишлаган кезларида ҳам Ўруновни жамоасига жалб этгани сўзимизга исбот бўлса ажаб эмас.

Катта эхтимол билан буларнинг йўллари Самарқанд жамоасида ҳам кесишадиган бўлиб турибди.

Воқеалар ривожини кузатамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: