Григорий Колосовский: "Ғалаба имкониятимизни сақлаб қолди"
20 апр 2016 08:51
Янгиликлар
![](https://championat.asia/upload/storage/205445_original.jpg)
![](/upload/storage/205445_220.jpg)
Григорий Колосовский: "Ғалаба имкониятимизни сақлаб қолди"
Хенк тен КАТЕ ("Ал Жазира" бош мураббийи): - "Пахтакор"га қарши яхши ўйин ўтказдик. Ютқазишга лойиқ эмасдик. Футболчиларга ўйин учун миннатдорчилик билдиришни истайман. Улар бугун катта иштиёқ намойиш этишди, аммо натижа мени қониқтирмади.
Ярим ҳимояда баъзи хатоларга йўл қўйдик. Шунингдек, ҳимояда ҳам индивидуал хатолар кузатилди. Гол уриш учун кўплаб имкониятлар яратиб, ундан фойдаланишда оқсадик. Рақибга эса босим ўтказишга йўл қўйиб бердик.
Григорий КОЛОСОВСКИЙ ("Пахтакор" мураббийи): - Ғалаба гуруҳдан чиқиш имкониятимизни сақлаб қолди. Нимчорак финал учун имкониятга эгамиз ва биринчи навбатда "Ал Жазира"ни Тошкентда доғда қолдиришимиз талаб этилади.
Ғалаба қозонганимиз яхши, аммо йўл қўйган хатоларимизни эътиборсиз қолдирмаслигимиз зарур. Тошкентда қийин ўйин кутяпмиз. Олий лигадаги ўйинлар орқали унга яхши тайёргарлик кўрамиз деб умид қиламан.
Ўхшаш янгиликлар
![AMP Logo](https://championat.asia/image/logo-amp.png)
Фикрлар